Loading...
لاگ ان

News with Views by Mian Saeed


  • ملکہ الزبتھ دوم اور پرنس فلپ کی شادی کی سالگرہ

    20-11-2018 21:35 PST

    لندن - برطانیہ - ملکہ الزبتھ دوم اور پرنس فلپ کی شادی کی 71 ویں سالگرہ آج 20 نومبر کو منائی جائی جائی گی

  • جو پیار نہ کر سکے زمیں سے
    پائیں گے نہ بھیک آسماں سے
    ===
    عشق سے گرمیاں حیات کی ہیں
    سب تفاصیل ایک بات کی ہے
    ===
    عجیب درد بھری لذتیں بہار میں ہیں
    کہ جتنے پھول ہیں،شبنم کے انتظار میں ہیں
    ===
    کون کہتا ہے کہ موت آئی تو مر جاؤں گا
    میں تو دریا ہوں سمندر میں اتر جاؤں گا
    ===
    جب بھی آنکھوں میں تری رخصت کا منظر آ گیا
    آفتابِ وقت نیزے کے برابر آ گیا
    ===
    یہ پوچھنا ہے،کب آدم زمیں پہ اُترے گا
    جو لے چلے کوئی کامل ، خدا کے پاس
    ===
    جو ابتدائے سفر میں دئے بجھا بیٹھیں
    وہ بدنصیب کسی کا سراغ کیا پائیں
    ===
    گو مرے دل کے زخم ذاتی ہیں
    ان کی ٹیسیں تو کائناتی ہیں
    ===
    ترے نصیب میں راتیں، مرے نصیب میں دن
    ترے چراغ ، مرے دل کے داغ جلتے ہیں
    ===
    میں گُل کو دیکھ کے تخلیقِ گُل کی سوچتا ہوں
    گُلوں کو دیکھتے رہنا تو کوئی بات نہیں
    ===
    بھرم ہو کچھ تو مرے آنسوؤں میں دیکھ اسے
    جو راز کھل بھی گیا اور ناشنیدہ رہا
    ===
    بہار جب بھی چمن میں دیئے جلاتی ہے
    ہجومِ گُل سے مجھے تیری آنچ آتی ہے
    ===
    میرے ہونٹوں پہ نہیں تیرے گلے
    یہ تو ہیں عرضِ محبت کے صلے
    ===
    قرارِ جاں بھی تمہی،اضطرابِ جاں بھی تمہی
    مرا یقیں بھی تمہی ہو ، مرا گُماں بھی تمہی
    شاعر، احمد ندیم قاسمی

    20-11-2018 21:31 PST

    خوشاب(پنجاب) , پاکستان - احمد ندیم قاسمی کا 102 واں یومِ پیدائش آج 20 نومبر کو منایا جائے گا

  • اور بھی دُکھ ہیں زمانے میں محبت کے سوا
    راحتیں اور بھی ہیں وصل کی راحت کے سوا
    ===
    چھلک رہی ہے ترے حُسن مہرباں کی شراب
    بھرا ہُوا ہے لبالب ہر اک نگاہ کا جام
    (دستِ تہِ سنگ)
    بے حرص و ہوا،بے خوف و خطر،اِس ہاتھ پہ سر،اُس کف پہ جگر
    یوں کوئے صنم میں وقتِ سفر نظارۂ بامِ ناز کیا
    (سرِ وادیٔ سینا)
    قفس اُداس ہے یارو صبا سے کچھ تو کہو
    کہیں تو بہرِ خدا آج ذکرِ یار چلے
    (زنداں نامہ)
    تم آئے ہو ، نہ شبِ انتظار گزری ہے
    تلاش میں ہے سحر،بار بار گزری ہے
    (دستِ صبا)
    وہ بُتوں نے ڈالے ہیں وسوسے کہ دلوں سے خوفِ خدا گیا
    وہ پڑی ہیں روز قیامتیں کہ خیالِ روزِ جزا گیا
    (شامِ شہر یاراں)
    موت اپنی ، نہ عمل اپنا، نہ جینا اپنا
    کھو گیا شورشِ گیتی میں قرینہ اپنا
    (نقشِ فریادی)
    ہم پرورشِ لوح و قلم کرتے رہیں گے
    جو دِل پہ گزرتی ہے،رقم کرتے رہیں گے
    شاعر، فیض احمد فیض

    20-11-2018 21:27 PST

    لاہور (پنجاب) - پاکستان - فیض احمد فیض کی 34 ویں برسی آج 20 نومبر کو دنیا بھر میں منائی جائیگی

  • کھل جائیں شکیل اُس پر اسرارِ خداوندی
    اقبال کے شعروں کو انساں اگر سمجھے

    اللہ تو سب کی سنتا ہے ، جرأت ہے شکیل اپنی اپنی
    حالی نے زبان سے اُف بھی نہ کی،اقبال شکایت کر بیٹھے
    شکیل بدایونی - بدایوں
    ===
    بات جو دنیا کے دل میں تھی وہ تیرے لب پہ تھی
    چشمِ شاہین بن کے دیکھی تُو نے حدِ ممکنات

    زندگی کے سو پہلو ہیں سو ہر اک پہلو کے رنگ
    تُو نے اِک اِک رنگ یوں دنیا پہ ظاہر کر دیا
    من موہن تلخ - دہلی
    ===
    فضائے نیم خوابی سے خودی تک لے کے آیا
    ہم ایسے بے پروں کو فطرتِ شاہین دے کر
    میاں سعید - احمد پورشرقیہ
    ===
    خودی کو کر بلند اتنا کہ ہر تقدیر سے پہلے
    خدا بندے سے خود پوچھے بتا تیری رضا کیا ہے

    ہزاروں سال نرگس اپنی بے نوری پہ روتی ہے
    بڑی مشکل سے ہوتا ہے چمن میں دیدہ ور پیدا

    عمل سے زندگی بنتی ہے جنت بھی جہنم بھی
    یہ خاکی اپنی فطرت میں نہ نوری ہے نہ ناری ہے

    ترے عشق کی انتہا چاہتا ہوں
    مری سادگی دیکھ کیا چاہتا ہوں

    دل کی بستی عجیب بستی ہے
    لوٹنے والے کو ترستی ہے
    شاعر ، علامہ اقبال

    09-11-2018 17:50 PST

    سیالکوٹ (پنجاب) , پاکستان - شاعرِ مشرق ڈاکٹر شیخ محمد اقبال " علامہ اقبال " کا یومِ ولادت آج 9 نومبر کو منایا جائے گا

  • بھر جائیں گے جب زخم تو آؤں گا دوبارا
    میں ہار گیا جنگ مگر دل نہیں ہارا
    ===
    منزلیں بجھ گئیں چہروں کی طرح
    اب جدھر راہگزر لے جائے
    شاعر ، ثروت حسین

    09-11-2018 17:45 PST

    کراچی (سندھ) , پاکستان - سید ثروت حسین " ثروت حسین " کا یومِ ولادت اآج 9 نومبر کو منایا جائے گا

  • کبھی دیوار سے گزرے کبھی در سے گزرے
    کتنے طوفانِ حوادث مرے گھر سے گزرے
    شاعر ، تابش دہلوی

    09-11-2018 17:37 PST

    کراچی (سندھ) , پاکستان - مسعودالحسن " تابش دہلوی " کا یومِ ولادت آج 9 نومبر کو منایا جائے گا

  • " ساتواں رنگ " (مجموعہ تنقیدی مضامین) ڈاکٹر نزر عابد

    09-11-2018 17:28 PST

    فیصل آباد (پنجاب) پاکستان - ڈاکٹر نزر عابد کی تصنیف " ساتواں رنگ (مجموعہ تنقیدی مضامین) مثال کتاب گھر، صابرپلازہ گلی نمبر 8 ، منشی محلہ ، امین پور بازار . فیصل آباد سے حاصل کی جا سکتی ہے

  • میرے کفن کے بند نہ باندھو ! ابھی مجھے
    مِلنا ہے ایک شخص سے بانہیں نکال کر
    ===
    اک نظر دیکھنے پہ یہ عالم
    اک نظر اور دیکھ لیتے تو؟
    شاعر ، شبیر نازش

    09-11-2018 17:26 PST

    کراچی (سندھ) , پاکستان - شبیر نازش کا شعری مجموعہ " آنکھ میں ٹھہرے ہوئے لوگ " فکش ھاؤس لاہور ، حیدرآباد اور کراچی سے حاصل کیا جا سکتا ہے

  • سہ ماہی " پیغام آشنا " اسلام آباد شائع ہوگیا

    09-11-2018 17:17 PST

    اسلام آباد - پاکستان - سہ ماہی علمی و تحقیقی مجلہ " پیغام آشنا " مدیر اعلٰی ، محمد رضا کاکا اور مدیر (اعزازی) ، ڈاکٹر علی کمیل قزلباش کی زیر ادارت جلد نمبر 19 ، شمارہ 74 ، جولائی تا ستمبر 2018ء ، ثقافتی قونصلیٹ سفارت اسلامی جمہوریہ ایران اسلام آباد سے شائع ہو گیا ہے